सबैभन्दा बढी वर्षा काठमाडौंमा

हाम्रा कुरा

प्रकाशित २०७९ साउन ११ बुधबार

काठमाडौं । मौसम पूर्वानुमान महाशाखाका अनुसार शुक्रबारसम्मै देशका अधिकांश स्थानमा वर्षा हुनेछ । धेरैजसोमा भारी वर्षा नै हुने महाशाखाले पूर्वानुमान गरेको छ ।

मंगलबार पनि भारी वर्षा नै भएको छ । पछिल्लो २४ घण्टामा सबैभन्दा बढी वर्षा काठमाडौं उपत्यकामा भएको छ । रातभर र बुधबार बिहान पनि वर्षा भएकाे छ । महाशाखाले बिहान ८ः४५ बजे गरेको अपडेटअनुसार काठमाडौंमा ५५ मिलिमिटर वर्षा भएको छ ।

त्यस्तै पोखरामा ५१.१, ओखलढुङ्गामा ३५.२, धनगढीमा ३२.६, ताप्लेजुङमा २५.५, विराटनगरमा २०.४, धनकुटामा १८.३ मिलिमिटर वर्षा भएको छ ।