-
-
-
-
काठमाडौं । कोरोना भाइरसको महामारी लगातार बढिरहेको छ । शनिबार थप ४३८ संक्रमित थपिएका छन् । ३६९९ जनाको परीक्षणबाट उक्त संख्यामा संक्रमित पाइएका हुन् । जसमा १७७९ जनाको पीसीआरबाट मात्रै २९२ अर्थात् १६.४२ प्रतिशत संक्रमित पाइएका हुन् । त्यस्तै १९२० एन्टिजेन परीक्षणबाट १४६ संक्रमित पाइएका हुन् ।
थप २ जनाको मृत्यु भएको छ । पछिल्लो समय दैनिक दुई जनाले ज्यान गुमाउँदै गएका छन् । शनिबार २७७ जना संक्रमणमुक्त भएका छन् ।
हाल सक्रिय संक्रमित बढेर ४ हजार ३६९ पुगेका छन् ।
उपत्यकामा सक्रिय संक्रमितको संख्या निकै बढी छ । काठमाडौंमा २४५९ जना पुगेका छन् । ललितपुरमा ४८६ तथा भक्तपुरमा ४६ जना पुगेका छन् ।
हाल ३३ जना आईसीयूमा छन् भने भेन्टिलेटरमा उपचार हुनेको संख्या चार पुगेको छ ।
