-
-
-
-
काठमाडौं । जर्मन सुपर कप फुटबलको उपाधि बायर्न म्युनिखले जितेको छ । शनिबार राति भएको फाइनलमा आरबी लेप्जिगलाई ५–३ गोल अन्तरले हराउँदै बायर्नले उपाधि जितेको हो ।
रेड बुल एरिनामा बायर्नलाई जित दिलाउन जमल मुसियाला, साडियो माने, बेन्जामिन पाभर्ड, सेर्जी जिनाब्री र लोरी सानेले एक एक गोल गरे ।
लाइपजिगका मार्सल हाल्स्टेनबर्ग, क्रिस्टोफर एनकुकू र डानी ओल्मोले एक एक गोल गरे ।
यो प्रतियोगिताको उपाधिका लागि जर्मन बुन्डेसलिगा च्याम्पियन र जर्मन नकआउट कप कम्पिटिशन प्रतियोगिता (डीएफबी पोकल) को विजेताबीच हुने गर्छ । बायर्न बुन्डेसलिगा च्याम्पियन हो भने लेप्जिगले डीएफएबी पोकल जितेको थियो ।
