-
-
-
-
काठमाडौं । फ्रेन्च ट्रफी डेस च्याम्पियन्सको उपाधि पेरिस सेन्ट जर्मेन (पीएसजी) ले जितेको छ । आइतबार राति भएको खेलमा नान्टेसलाई ४–० गोल अन्तरले हराउँदै पीएसजीले उपाधि जितेको हो ।
पीएसजीलाई जित दिलाउन नेयमारले दुई गोल गरे । त्यस्तै लियोनल मेस्सी र सर्जियो रामोसले १–१ गोल गरे ।
खेलको ८१ औं मिनेटमा जिन चार्लेसले रातो कार्ड पाएपछि नान्टेस १० खेलाडीमा समेटिएको थियो ।
यो प्रतियोगिताको उपाधिका लागि फ्रेन्च लिग वान च्याम्पियन र कोप डे फ्रान्स च्याम्पियनबीच खेल्ने गरिन्छ ।
पीएसजी लिग वान र नान्टेस कोप डे फ्रान्स च्याम्पियन हो ।
