-
-
-
-
काठमाडौं । नेपाल एयरलाइन्सको जहाजबाट मुम्बई जान लागेका दुई जनालाई नेपाल प्रहरीको विशेष अनुसन्धान ब्यूरोले नियन्त्रणमा लिएको छ ।
ढोका बन्द भएर उड्न लागेका एयरलाइन्सको जहाज रोकेर ब्यूरोले उनीहरूलाई पक्राउ गरेको हो ।
पक्राउ परेका व्यक्ति सुन व्यवसायमा संलग्न सन्तोष लामिछाने र मिना लामिछाने रहेको प्रहरीले जनाएको छ ।
सन्तोष सुदूरपश्चिम प्रदेश सुनचाँदी व्यवसायी सङ्घमा समेत आबद्ध छन् ।
उनी सुनचाँदी व्यवसायीहरूको टोलीसँग मुम्बई घुम्न जान लागेका थिए ।
उनको कारोबारमाथि शङ्का लागेपछि प्रहरीले थप अनुसन्धान अघि बढाएको छ ।
