-
-
-
-
पोखरा । पोखरामा बुधबार बिहान सवारी दुर्घटना हुँदा एक महिलाको ज्यान गएको छ । मृत्यु हुनेमा म्याग्दीको अन्नपूर्ण गाउँपालिका वडा नं. ५ घर भइ हाल पोखरा लेकसाइड बस्ने ७५ वर्षीया सुनमाया तिलिजा रहेकी छन् ।
पोखराबाट दमौलीतर्फ जाँदै गरेको ग१ख ३८२५ नम्बरको बसले बिहान ८ बजे सभागृहचोकमा ठक्करदिंदा तिलिजाको मृत्यु भएको जिल्ला प्रहरी कार्यालय कास्कीले जनाएको छ ।
बसको ठक्करबाट गम्भीर घाइते भएकी उनको गण्डकी मेडिकल कलेजमा उपचारका क्रममा मृत्यु भएको प्रहरीले जनाएको छ । बस र चालकलाई प्रहरीले नियन्त्रणमा लिएको छ ।
