-
-
-
-
काठमाडौं । पछिल्लो २४ घण्टामा देशभर थप ७६० जनामा कोभिड १९ अर्थात् कोरोना भाइरसको संक्रमण पुष्टि भएको छ । यसअवधिमा ५ हजार ९ सय २६ जनाको नमुना परीक्षण गरिएको थियो ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३२४ जना कोभिड१९बाट निको भएका छन् । पीसीआर विधिबाट २५८९ नमुना परीक्षण गर्दा ४९४ र एन्टीजेन विधिबाट ३३३७ नमुना परीक्षण गर्दा २६६ जनामा संक्रमण पुष्टि भएको हो ।
यसअवधिमा एक जना संक्रमितको मृत्यु भएको छ । हाल देशभर सक्रिय कोरोना संक्रमितको संख्या ५ हजार ६ सय २ पुगेको छ । यस्तै हाल ४४ जना संक्रमितको गम्भीर अवस्थामा आईसीयुमा उपचार भइरहेको छ ।
