- सुन चाँदी दर
- विनिमय दर
- नेपाली पात्रो
- राशिफल
काठमाडौं । ब्राजिल र गणतन्त्र कोरियाका लागि नवनियुक्त दुई राजदूतले राष्ट्रपति समक्ष शपथ लिएका छन् । राष्ट्रपति विद्यादेवी भण्डारीसमक्ष नवनियुक्त दुई राजदूत निर्मलराज काफ्ले र प्रा डा ज्योति प्याकुरेल (भण्डारी) ले पद तथा गोपनीयताको शपथ लिएका हुन् ।
राष्ट्रपतिको कार्यालय महाराजगन्जमा आइतबार आयोजित समारोहमा गणतन्त्र ब्राजिलका लागि नेपाली राजदूत काफ्ले र गणतन्त्र कोरियाका लागि नवनियुक्त राजदूत प्रा डा प्याकुरेल ले पद तथा गोपनीयताको शपथ ग्रहण गरेका थिए ।
साथै राष्ट्रपति भण्डारीले सङ्घीय संसद्बाट पारित भई प्रमाणीकरणका लागि पेस भएका दुवै विधेयक प्रमाणीकरण गरेकी छन् ।
राष्ट्रपति कार्यालयका अनुसार उनले नेपालको संविधानबमोजिम नेपाल इन्जिनियरिङ परिषद् ऐन, २०५५ लाई संशोधन गर्न बनेको विधेयक र ज्येष्ठ नागरिकसम्बन्धी ऐन, २०६३ लाई संशोधन गर्न बनेको विधेयक प्रमाणीकरण गरेकी हुन् ।