-
-
-
-
कुन्मिङ। चीन, लाओस, म्यानमार र थाइल्याण्डका कानुन प्रवर्तन अधिकारीहरूले मेकोङ नदीमा १२०औँ संयुक्त गस्ती सुरु गर्नका लागि मङ्गलवार सहभागिता जनाएका छन्।
सो गस्ती अभियानमा पाँच वटा जहाजले भाग लिएका थिए। चीनको दक्षिण पश्चिमी युनान प्रान्तको सिशुआङबन्ना दाई स्वायत्त प्रान्तको जिङ्गा बन्दरगाहबाट बिहान ९ बजे तीन वटा चिनियाँ जहाज प्रस्थान गरेका छन्।
गस्तीका क्रममा चार देशहरूले नदी किनारमा सुरक्षा र स्थिरता सुनिश्चित गर्न सीमा पार अपराध नियन्त्रणमा ध्यान केन्द्रित गर्ने बताइएको छ।
चीनको लान्काङ नदी भनेर चिनिने मेकोङ नदी सीमा पार ढुवानीका लागि महत्त्वपूर्ण जलमार्ग हो। चीन, लाओस, म्यानमार र थाइल्याण्डले डिसेम्बर २०११ देखि नदीमा संयुक्त गस्ती गर्दै आएका छन्।
