निर्वाचनमा गरिने खर्चको विवरण मनोनयन पत्र दर्ता गर्दा बुझाउनुपर्ने
हाम्रा कुरा
प्रकाशित २०७९ भदौ १४ मंगलबार
1.5k
Shares
काठमाडौं । आगामी मङ्सिर ४ गते हुने प्रतिनिधि सभा र प्रदेश सभा सदस्य निर्वाचनमा उम्मेदवारी दिने व्यक्तिले खर्च गर्न अनुमानित रकम र स्रोत खुलाउनुपर्ने भएको छ ।
निर्वाचन आयोगले तयार गरेको निर्वाचन आचारसंहिता, २०७९ मा मनोनयन पत्र दर्ता गर्दा नै रकम र स्रोत खुलाउनुपर्ने उल्लेख छ । आयोगले उक्त आचारसंहिता यही भदौ २० गतेपछि तोकिएको मितिदेखि लागू गर्ने गरी आन्तरिक कार्यतालिका बनाएको छ ।
साथै उम्मेदवारले निर्वाचनसम्बन्धी खर्च गर्दा बैङ्क वा वित्तीय संस्थाबाट छुट्टै खाता खोली सोही खाताबाट गर्नुपर्नेछ । उम्मेदवारले निर्वाचनसम्बन्धी खर्च गर्दा निजको तर्फबाट खर्च गर्ने जिम्मेवार पदाधिकारी तोक्नुपर्ने छ ।
।
निर्वाचनलाई स्वच्छ, निष्पक्ष, भयमुक्त र पारदर्शी वातावरणमा सम्पन्न गर्नका लागि आयोगले सामान्यतः निर्वाचन कार्यक्रमअन्तर्गत उम्मेदवारी मनोनयन हुनु पूर्व आचारसंहिता जारी गर्ने गरेको छ ।
आचारसंहितामा दल, उम्मेदवार, नेपाल सरकार, प्रदेश सरकार र स्थानीय तहका पदाधिकारी, कर्मचारी, सञ्चारमाध्यम र विभिन्न निकायले पालना गर्नुपर्ने दायित्व निर्धारण गरिएको छ ।
