-
-
-
-
इलाम । ब्यवसायी सोम लुइटेलले ३२ फुटबल खेलाडीहरुको निःशुल्क बीमा गराइदिएका छन् । उनले जनही एक लाखको बीमा गराइदिएका हुन् ।
इलाम देउमाई नगरपालिका ४ मंगलबारेका लुइटेलले जिल्लाका महिला तथा पुरुष फुटबल खेलाडीको निःशुल्क जीवन बीमा गराइदिएका हुन् । खेलाडीले खेल खेलेको भत्तासमेत नपाएको गुनासो बढ्न थालेपछि उनले खेलाडीको हौसला स्वरुप बीमा गराएका हुन् ।
नेपाल लाइफ इन्स्योरेन्स कम्पनी लिमिटेडका सिनियर एजेन्सी म्यानेजर तथा पेशागत बिमा अभिकर्ता संघ बीमक समिति प्रदेश सदस्यसमेत रहेका उनले ३२ जना खेलाडीको बीमा निःशुल्क गराएका हुन ।
उनले खेलाडीको मनोबल बढाउन आफूले सहयोग गरेको बताए । जिल्ला फुटबल संघ इलामले ब्यवसायी लुइटेललाई धन्यवाद ब्यक्त गरेको छ ।
