-
-
-
-
काठमाडौं । सामान राख्ने कम्पार्टमेन्टमा धुवाँ देखिएपछि नेपाल वायुसेवा निगमको वाइड बडी विमान काठमाडौंमै फर्किएको छ ।
१ सय ८४ यात्रु बोकेर जापानको नारिताका लागि उडेको विमानमा धुवाँ देखिएपछि आधा घण्टामै काठमाडौं फर्किएको हो ।
आर ए ४३३ हवाई जहाज बुधबार राति ११ बजे नारिताका लागि उडेको थियो । जहाजको कार्गो स्थलमा धुवाँ देखिएको थियो ।
कार्गो कम्पार्टमेन्टमा धुवाँ देखिएको ककपिटमा सङ्केत देखिएपछि चालक दलले जहाज काठमाडौं नै फर्काएका थिए । मर्मत पछि विमान पुनः नारिता उडाउने तयारीमा रहेको छ ।
