-
-
-
-
काठमाडौं । मध्य रुसको एक विद्यालयमा बन्दुकधारीले अन्धाधुन्ध गोली चलाउँदा कम्तीमा छ जनाको मृत्यु भएको छ भने, २० जना घाइते भएको रुसी अधिकारीहरूले बताएका छन् । रुसी मिडियाका अनुसार घटनामा इजेभस्क सहरको विद्यालयका विद्यार्थी र एक सुरक्षा गार्ड पीडित छन्।
झण्डै एक हजार विद्यार्थी र करिब ८० जना शिक्षक रहेको विद्यालय नम्बर ८८ मा यो घटना भएको हो। बन्दुकधारीले आत्महत्या गरेको छ भने, घटनाको कारण भने खुल्न सकेको छैन । आपतकालीन अधिकारीहरू घटनास्थलमा छन्।
रुसी सञ्चारमाध्यमले अनलाइनमा भिडियो पोस्ट गरेका छन् जुन गोलीबारी भएको विद्यालयभित्र खिचिएको देखिन्छ।
एउटा भिडियोमा भुइँमा रगत र झ्यालमा गोलीको प्वाल देखाइएको देखिन्छ, बच्चाहरू डेस्कमुनि झुकेका छन्।
टास समाचार एजेन्सीका अनुसार आक्रमणकारीले दुईवटा पेस्तोल बोकेका थिए ।
