-
-
-
-
काठमाडौं । दुई स्टारहरु लियोनल मेस्सी र केलियन एमबाप्पे चम्किएको खेलमा फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ ।
शुक्रबार राति अजासियोलाई उसकै घरेलु मैदानमा भएको खेलमा पीएसजीले ३–० को जित निकाल्यो । खेलमा एमबाप्पेले दुई तथा मेस्सीले एक गोल गरे ।
खेलको २४ औं मिनेटमा एमबाप्पेले गोल गर्दै पीएसजीलाई शुरुआती अग्रता दिलाएका थिए । मेस्सीले ७८ औं मिनेटमा पीएसजीको अग्रता दोब्बर बनाए । त्यसको चार मिनेटपछि एमबाप्पेले गोल गर्दै पीएसजीलाई फराकिलो जित दिलाए ।
जितसँगै पीएसजीले लिग वानमा ३२ अंक जोडेर तालिकाको शीर्ष स्थानमा छ । उसले दोस्रो स्थानको लोरेन्टसँग ६ अंकको अग्रता लिएको छ ।
अजासियो भने ८ अंक सहित पुछारदेखि तेस्रो स्थानमा छ । आज राति मोन्टेपिलर र लियोँ खेल्नेछन् ।
