'ब्रेन ड्रेन' को समस्या समाधान गर्ने प्रदीप पौडेलको बाचा
हाम्रा कुरा
प्रकाशित २०७९ कार्तिक १५ मंगलबार
1.4k
Shares
काठमाडौं । नेपाली कांग्रेसका युवा नेता एवं काठमाडौं क्षेत्र नं ५ का उम्मेदवार प्रदीप पौडेलले ‘ब्रेन ड्रेन’ को समस्या समाधान गर्ने प्रतिबद्धता व्यक्त गरेका छन् ।
चुनाव प्रचार प्रसारको क्रममा मतदाताहरुले ‘ब्रेन ड्रेन’ को समस्याको सवाल उठाएपछि नेता पौडेलले आफूले पहिलो प्राथमिकतामा राखेर काम गर्ने प्रतिबद्धता व्यक्त गरेका हुन् ।
मंगलबार घरदैलो अभियानका क्रममा नेता पौडेलले नेपालको मुख्य समस्या ब्रेन ड्रने रहेको र आफूले त्यसलाई प्राथमिकतामा राखेर काम गर्ने बताए ।
‘मैले यसअघि नै बीसीडी मोडलमा ब्रेन ड्रेनको समस्या समाधान गर्ने प्रतिबद्धता व्यक्त गरिसकेको छु ।’ उनले भने, ‘त्यसलाई म प्राथमिकताका साथ राखेर काम गर्छु ।’
त्यसैगरी वैदेशिक रोजगारीमा जानुपर्ने बाध्यतालाई आफूले निराकरण गर्न देशमै रोजगारीको सुनिश्चितता कायम गर्ने पौडेलले बताए ।
‘वैदेशिक रोजगारीलाई कतिपयले समस्याको रुपमा हेरेका छन्, तर त्यो हाम्रा युवायुवतीहरुको बाध्यता हो । देशमै केही गरेर रोजगारी दिने कुरामा म सधैँ प्रतिबद्ध छु’ नेता पौडेलले भने ।
नेता पौडेल मंगलबार काठमाडौं महानगरपालिका वडा नं २ अन्तर्गत गैह्रीधारा लगायतका क्षेत्रका मतदाताहरुसँग भेटघाट गरेका थिए ।
