भियना। सिन्जियाङमा अल्पसङ्ख्यक उइगरमाथि चीनले गरेको दमन र नरसंहारको शृङ्खला लामो छ। सेप्टेम्बर २२ मा भियनाको स्टेफान्सप्लाट्जमा उइगरहरूद्वारा फोटो प्रदर्शनी आयोजना गरिएको थियो।

भियनामा उइगर समुदायका अध्यक्ष मेभलान डिलसातले चिनियाँ कम्युनिस्ट पार्टीले सिन्जियाङ प्रान्तको यातना शिविरमा उइगर र जातीय अल्पसङ्ख्यकहरूमाथि गरेको अत्याचारको बारेमा जानकारी गराए। 

चिनियाँ कम्युनिस्ट पार्टी (सीसीपी) को शासन अन्तर्गत चीनमा उइगरहरूको अवस्था नाजुक भएको र उइगरमाथिकव आक्रमण बढ्दै गएको उनले बताए। सन् २०१६ मा सुरु भएको मुख्यतया मुस्लिम जातीय अल्पसङ्ख्यकहरूलाई लक्षित दमन अभियानको भागको रूपमा चीनमा धेरै उइगर बुद्धिजीवीहरूलाई हिरासतमा राखिएको थियो, र हालै मात्र बढेको छ।

सिन्जियाङ क्षेत्रमा चीनको मानवअधिकार उल्लङ्घनबारे खुलासा गर्ने संयुक्त राज्य अमेरिकाको हालैको प्रतिवेदनमा भनिएको छ, 'जबरजस्ती चिकित्सा उपचार र थुनामा राख्ने प्रतिकूल अवस्थालगायत यातना वा दुर्व्यवहारको ढाँचाका आरोपहरू विश्वसनीय छन्। यौन र लैङ्गिक हिंसाका व्यक्तिगत घटनाहरू भएका छन्।'

संयुक्त राष्ट्र सङ्घका पूर्व उच्चायुक्त मिशेल बाचेलेटले प्रतिवेदन जारी गर्दै चिनियाँ प्रान्त सिनजियाङ र अन्य मुस्लिम बाहुल्य भएका उपघुरहरूलाई नियमित रूपमा पुनः शिक्षा शिविरमा राखेर यातना, बलात्कार, जबरजस्ती श्रम र गर्भपतन हुने गरेको बताए।

बिहीबार फोटो प्रदर्शनीमा चीनको यातना शिविरमा रहेका र सिनजियाङ क्षेत्रमा बेपत्ता भएका मानिसहरूका तस्बिरहरू प्रदर्शन गरिएको थियो। कार्यक्रममा विश्व उइगर काँग्रेसका अध्यक्ष डोल्कुन इसाले पनि सहभागिता जनाएका थिए र सीसीपीले गरेको मानवअधिकार उल्लङ्घनका बारेमा बोलेका थिए। 

उक्त कार्यक्रममा वक्ताहरूले अस्ट्रियाले चीनमा उइगरविरुद्ध भइरहेको नरसंहारलाई मान्यता दिनुपर्ने र यसमा संलग्न सीसीपीका पदाधिकारीहरूलाई कारबाही गर्न पनि आग्रह गरे।