चन्द्रग्रहणको दिन मङ्गल, शनि, सूर्य र राहु आमनेसामने, यी राशिलाई बढी प्रभाव

हाम्रा कुरा

प्रकाशित २०७९ कार्तिक २१ सोमबार

काठमाडौं । भोलि खग्रास चन्द्रग्रहण लाग्दै छ । ग्रहण एक घण्टा २३ मिनेट नेपालबाट देखिने छ। भोलि बेलुकी ०५:११ बजे चन्द्रोदय हुँदादेखि नै ग्रहण लागेर उदय हुनेछ । बेलुकी ०५:१३ बजे सूर्यास्त भएपछि ग्रहण स्पष्ट रूपमा देखिने छ। बेलुकी ०६:३४ बजे ग्रहण सकिन्छ ।

यो चन्द्रग्रहण नेपालसहित धेरै देशहरूमा देखिने छ । चन्द्रग्रहणको नौ घण्टाअघिदेखि सुतक लाग्नेछ । सुतक बिहान ८. ११ बजेबाट सुरु हुनेछ । यस समयमा धार्मिक वा शुभ कार्य हुनेछैन। धेरै राशिका मानिसहरूमा यसको प्रभाव पर्ने सम्भावना छ ।

चन्द्रग्रहण मेष राशिमा लाग्नेछ । चन्द्रग्रहणको दिन मङ्गल, शनि, सूर्य र राहु आमनेसामने हुनेछन् । यस अवस्थामा तुला राशिमा सूर्य, चन्द्रमा, बुध र शुक्रको योग बनिरहेको छ। यस बाहेक शनि कुम्भ राशिमा पाँचौँ भावमा र मिथुन राशिमा नवौँ भावमा मङ्गलको संयोगले विनाशकारी योग बनाउँदै छ। चन्द्रग्रहणमा ग्रहहरूको यो संयोजन अशुभ मानिन्छ।

ज्योतिषीहरूका अनुसार चन्द्रग्रहण लागेपछि पनि केही राशिका व्यक्तिले लगभग महिनाभर सावधानी अपनाउनुपर्ने हुन्छ । विशेष गरी मिथुन, वृश्चिक र कुम्भ राशि बाहेक अन्य सबै राशिका व्यक्तिहरूले आगामी एक महिना सावधानी अपनाउनुपर्नेछ।

चन्द्रग्रहणले वृष, मिथुन, कन्या, तुला राशिमा बढी नकारात्मक प्रभाव पार्नेछ । यी राशिका व्यक्तिहरूको स्वास्थ्य, आर्थिक अवस्था, करियर र व्यापार आदिमा समस्या आउन सक्छ। त्यसैले यी राशिका व्यक्तिहरूले सावधानी अपनाउनुपर्ने हुन्छ ।