नवलपरासी– २ मा ध्रुवबहादुर प्रधान अगाडि, देवेन्द्रराज कँडेल पछाडि
हाम्रा कुरा
प्रकाशित २०७९ मंसिर ५ सोमबार
722
Shares
तस्बिर – फाइल ।
नवलपरासी । पश्चिम नवलपरासीको दुवै निर्वाचन क्षेत्रको मतपरिणाम आउन शुरु भएको छ । निर्वाचन क्षेत्र नं २ मा राप्रपाका उपाध्यष ध्रुवबहादुर प्रधान अगाडि रहेका छन् ।
अहिलेसम्मका चुनावमा सफलता हासिल गर्न नसकेका प्रधानले यसपालि भने जितको आशा देखाएका छन् । नेपाली कांग्रेसका उम्मेदवार देवेन्द्रराज कँडेल दोस्रो स्थानमा छन् ।
दुई हजार सात सय ५० मत गन्दा राप्रपाका प्रधान एक हजार तीन सय ८९ मत र कँडेलले पाँच सय २७ मत प्राप्त गरेका छन् ।
त्यस्तै मतपरिणामअनुसार निर्वाचन क्षेत्र नं १ मा नेपाली कांग्रेसका उम्मेदवार विनोद चौधरीले अग्रता लिएका छन् । दुई हजार दुई सय मत गन्दा चौधरीले आठ सय ५३ मत प्राप्त गरेका छन् भने उनका प्रतिद्वन्द्वी जनता प्रगतिशील पार्टीका हृदयेश त्रिपाठीले छ सय ३२ मत प्राप्त गरेका छन् ।
