-
-
-
-
तनहुँ । तनहुँ क्षेत्र नं. १ मा नेपाली कांग्रेसका वरिष्ठ नेता रामचन्द्र पौडेलको अग्रता कायमै छ ।
हालसम्म ४४ सय ८५ मत गन्दा सत्ता गठवन्धनका साझा उम्मेद्वार पौडेलले १७ सय ६२ मत प्राप्त गरेका छन् ।
उनलाई नेकपा एमालेका एकबहादुर रानाले पच्छ्याइरहेका छन् । उनले १३ सय १ मत प्राप्त गरेका छन् ।
यस्तै, राष्ट्रिय स्वतन्त्र पार्टीका ३७० र स्वतन्त्र उम्मेद्वार गोविन्दराज जोशीले २५२ मत प्राप्त गरेका छन् ।
यता, तनहुँ-२ मा नेपाली कांग्रेसका नेता तथा पूर्वमन्त्री शंकर भण्डारीले फराकिलो अग्रता लिएका छन् ।
कूल ३३ हजार ५२५ मत गणनामा भण्डारीले १५ हजार २७७ मत प्राप्त गरेका छन् ।
उनलाई नेकपा एमालेका नेता तथा गण्डकी प्रदेशका पूर्व अर्थमन्त्री किरण गुरुङले १२ हजार ५८९ मतका साथ पच्छ्याइरहेका छन् ।
