- सुन चाँदी दर
- विनिमय दर
- नेपाली पात्रो
- राशिफल
काठमाडौं । काठमाडौं क्षेत्र नम्बर ५ मा नेपाली कांग्रेसका उम्मेदवार प्रदीप पौडेल विजयी हुने निश्चित भएको छ । उनले एमालेका वरिष्ठ उपाध्यक्ष ईश्वर पोखरेललाई पराजित गर्दै विजय हासिल गर्ने निश्चित भएको हो ।
३ हजार ७७९ मत गन्न बाँकी हुँदा पौडेलले ४ हजार ६११ मतको मतान्तर बनाएका छन् । हालसम्म ४५ हजार ९८७ मतमध्ये ४२ हजार २०८ मत गणना सकिइसकेको छ । जसमा पौडेलले १४ हजार ७७ मत प्राप्त गरेका छन् भने पोखरेलले जम्मा ९ हजार ४६६ मत प्राप्त गरेका छन् ।
अघिल्लो निर्वाचनमा पोखरेल सो क्षेत्रमा विजयी भएका थिए । उनले कांग्रेसका प्रवक्ता डा. प्रकाशशरण महतलाई पराजित गरेका थिए ।