-
-
-
-
इलाम । विवादकाबीच रोकिएको इलाम क्षेत्र नम्बर २ को मतगणना पुनः जारी रहेको छ । गणना भइसकेको मतपत्र सिल नगरी राखेको विषयमा उत्पन्न विवादमा सहमति जुटेपछि गए राति १२ बजे मतगणना पुनः थालिएको थियो ।
पछिल्लो मतपरिणाम अनुसार नेकपा एमालेका उम्मेदवार सुवासचन्द्र नेम्वाङले अग्रता कायम राखेका छन् । माङ्सेबुङ र चुलाचुली गाउँपालिकाको सबै, माई नगर वडा ६, ७, ८ र फाकफोकथुम गाउँपालिकाको वडा १, २, र ३ को मतगणना भइसक्दा नेम्बाङले करिब साढे ८ सय मतको अग्रता लिइरहेका छन् ।
अहिलेसम्म नेम्बाङको ११ हजार ६ सय २१ मत आएको छ भने गठबन्धनबाट उम्मेदवार बनेका नेपाली कांग्रेसका डम्बरबहादुर खड्काको १० हजार ७ सय ८८ मत छ।
