महिला हिंसा अन्त्य दिवसमा कान्तिपुर सिटी कलेजले निकाल्यो प्रभातफेरी

हाम्रा कुरा

प्रकाशित २०७९ मंसिर ९ शुक्रबार

काठमाडौं । पुतलीसडकमा रहेको कान्तिपुर सिटी कलेजले सचेतनामूलक प्रभातफेरी कार्यक्रमको आयोजना गरेको छ । ४३ औँ अन्तर्राष्ट्रिय महिला हिंसा अन्त्य दिवसको अवसर पारेर कलेजमा अध्ययनरत विद्यार्थी, शिक्षक तथा कर्मचारीहरुले प्रभातफेरी कार्यक्रमको आयोजना गरेका हुन् ।

प्रभातफेरी पुतलीसडक, न्यू प्लाजा, कालिकास्थान, डिल्लीबजार हुँदै पुनः कलेजमा आई विसर्जन भएको थियो । त्यसपछि आयोजित सभालाई सम्बोधन गर्दै एबीसी नेपालकी अध्यक्ष मिना खत्रीले विद्यार्थीलाई कक्षा कोठादेखि आफ्नो घर समाजमा महिला हिंसा हुन नदिई सभ्य नागरिकको भूमिका निभाउनको लागि जागरुक गराइन् ।

कार्यक्रममा कलेजका क्याम्पस प्रमुख राजु कट्टेल, सहक्याम्पस प्रमुख ई. भानुभक्त निरौला र प्रशासन प्रमुख राजीव तिमल्सिनाले उक्त कार्यक्रममा महिला हिंसा रोक्नका लागि एकदिने सचेतना कार्यक्रम गरेर नपुग्ने भन्दै दैनिक जागरुक हुनुपर्नेमा जोड दिए ।