-
-
-
-
इलाम । नेकपा एमालेका उम्मेदवार सुवासचन्द्र नेम्वाङलाई नेपाली कांग्रेसका उम्मेदवार डम्बरबहादुर खड्काले उछिनेका छन् ।
इलाम क्षेत्र नम्बर २ मा पूर्व सभामुख नेम्वाङलाई १६ मतले पछि पार्दै कांग्रेस जिल्ला सभापति खड्का अघि लागेका छन् ।
यसअघि करिब १८ सय मतान्तरले खड्का पछि रहेका थिए । उनले नेम्वाङसँगको मतान्तर घटाउँदै अग्रता कायम गरेका छन् ।
इलाम नगरपालिकाको वडा नम्बर ३, ४ र ५ को मतगणनामा कांग्रेस उम्मेदवारलाई बढी मत आएको हो । अब इलाम नगरपालिकाको वडा नम्बर १ र २को मतगणना हुन बाँकी छ ।
कांग्रेसका उम्मेदवार खड्काले २८ हजार ४८६ ल्याएका छन् भने एमालेका उम्मेदवार नेम्वाङ २८ हजार ४७० मत ल्याएर पछ्याइ रहेका छन् ।
