-
-
-
-
बुटवल । गृहमन्त्री एवं नेपाली कांग्रेसका प्रभावशाली नेता बालकृष्ण खाँण पराजित भएका छन् । खाँण प्रतिनिधि सभा सदस्यमा रुपन्देही निर्वाचन क्षेत्र नम्बर ३ बाट पराजित भएका हुन् ।
उनलाई राप्रपाका दीपक बोहराले फराकिलो अन्तरले हराए । खाँण २ हजार ६८१ मतान्तरले पराजित भएका हुन् ।
मुख्य निर्वाचन अधिकृत कृष्णराम कोइरालाका अनुसार बोहराले ३६ हजार ७१७ मत प्राप्त गरेकामा खाँणले ३४ हजार ३६ मतमात्र ल्याउन सके । खाँण सत्ता गठबन्धनका संयुक्त उम्मेदवार हुन् भने बोहरालाई एमाले र जसपाकोसमेत साथ रहेको थियो ।
गृहमन्त्री निर्वाचनमा पराजित हुने घटना विरलै हुन्छन् । यसअघि २०६४ सालको संविधान सभाको निर्वाचनमा तत्कालीन गृहमन्त्री एवं नेपाली कांग्रेसका नेता कृष्णप्रसाद सिटौला पराजित भएका थिए ।
