चार सय तीस मतले हराएर बदला दिए डिगबहादुरले घनश्यामसँग

विवेक मिश्र,

प्रकाशित २०७९ मंसिर १० शनिबार

मोरङ । नेपाली कांग्रेस मोरङका सभापति डिगबहादुर लिम्बू मोरङको निर्वाचन क्षेत्र नम्बर १ बाट ४३० मतान्तरले प्रतिनिधि सभाको सदस्यमा विजयी भएका छन् ।

लिम्बूले नेकपा एमालेका उमेदवार निवर्तमान सांसद घनश्याम खतिवडालाई हराउँदै प्रतिनिधि सभाको सदस्य निर्वाचित भएका हुन् । लिम्बूले २७ हजार २९७ मत प्राप्त गरी विजयी हुँदा निकटतम प्रतिद्वन्द्वी एमाले उम्मेदवार खतिवडाले २६ हजार ८६७ मत प्राप्त गरे ।

दोस्रो संविधान सभाको निर्वाचनमा तत्कालीन मोरङ ९ बाट घनश्याम खतिवडालाई हराएर संविधानसभा छिरेका थिए भने घनश्याम खतिवडा २०७४ को आम निर्वाचनमा लिम्बूलाई हराएर सिंहदरबार छिरेका थिए ।