-
-
-
-
काठमाडौं । कतार विश्वकपमा पोर्चुगलले उरुग्वेलाई २-० गोलले हराएको छ । समूह एच अन्तर्गत लुसेल आइकोनिक स्टेडियममा सोमबार राति भएको खेलमा पोर्चुगल विजयी भएको हो ।
पोर्चुगललाई जिताउन दुवै गोल ब्रुनो फर्नान्डेसले गरे। जितसँगै ६ अङ्क बनाएको पोर्चुगल समूह एच को शीर्षस्थानमा छ ।
योसँगै पोर्चुगल नकआउट चरणमा प्रवेश गरेको छ । लगातार दोस्रो जित निकालेको पोर्चुगल एक खेल अगावै नकआउट चरणमा पुगेको हो ।
यसअघि पहिलो खेलमा पोर्चुगलले घानालाई ३-२ गोलले पराजित गरेको थियो । दोस्रो स्थानमा रहेको घानाको तीन अङ्क छ । सोमबार नै भएको खेलमा घानाले दक्षिण कोरियालाई ३-२ गोलले हराएको थियो ।
