-
-
-
-
काठमाडौं । अदालतबाट पनि न्यायको प्रत्याभूति नभएपछि राज्यको ध्यानाकर्षण गर्नका सिराहाकी बिनु यादवले सर्वोच्च अदालत अगाडि रङ फालेर विरोध प्रदर्शन गरेकी छिन् ।
आज बिहान कार्यालय खुल्नासाथ सेतो कपडामा आएकी उनले ट्याक्सीबाट ओर्लेर रङ घोलिएको पानी सर्वोच्चको गेटमा फ्याँकेर न्याय चाहियो भन्दै चिच्याएकी थिइन् । उनलाई सर्वोच्च अगाडि रङ फालेपछि सुरक्षाकर्मीले नियन्त्रणमा लिएको छ ।
उनी आफ्नो श्रीमानबाट हिंसामा परेको भन्दै न्यायका लागि संघर्षरत छिन् । उनले केही समयअघि रामेछाप जिल्ला अदालतको इजलासमै विष सेवन गरेर आत्महत्या प्रयास गरेकी थिइन् । बिनुको मुद्दा अहिले पाटन उच्च अदालतमा विचाराधीन छ ।
उनले काका ससुरा पवन कठायतले आफूमाथि बलात्कार प्रयास गरेको आरोपसमेत लगाएकी छिन् ।
यादवको उजुरीमा प्रहरीले कठायतलाई पक्राउ गरे पनि पछि रिहा गरेको थियो ।
