-
-
-
-
काठमाडौं । नेपाली कांग्रेसका उम्मेदवार तथा बहालवाला सञ्चारमन्त्री ज्ञानेन्द्रबहादुर कार्की सुनसरी ४ मा पछाडि परेका छन् ।
सुनसरी ४ को मतगणना अन्तिमतिर आइपुग्दा मन्त्री कार्कीलाई नेकपा एमालेका जगदीश कुसियैतले ८२ मतले पछाडि पारेका छन् ।
१३६ मतले अगाडि रहेका कार्कीसँगको मतान्तर घटाउँदै कुसियैत अघि लागेका हुन् ।
एमाले उम्मेदवार कुसियैतले २९ हजार ७ सय ९४ मत ल्याउँदा मन्त्री कार्कीले २९ हजार ७१२ पाएका छन् ।
त्यस्तै राष्ट्रिय स्वतन्त्र पार्टीका जीवनकुमार श्रेष्ठले २ हजार ९ सय ५२ मत, राप्रपाका विद्यानन्द यादवले २ हजार ८ सय ५५ मत ल्याएका छन् ।
बहालवाला पाँच जना मन्त्री पराजित भइसकेका अवस्थामा कार्कीमाथि दबाब छ ।
