-
-
-
-
काठमाडौं । सोमबार एलन मस्कले एप्पलले ट्विटरलाई एप स्टोरबाट हटाउन धम्की दिएको दाबी गरेका थिए ।
तर, बुधबार उनले एप्पलका प्रमुख कार्यकारी अधिकृत (सीईओ) टिम कुकसँग भेटघाट गरेपछि उक्त कुरा भ्रम भएको बताएका छन् ।
Good conversation. Among other things, we resolved the misunderstanding about Twitter potentially being removed from the App Store. Tim was clear that Apple never considered doing so.
ट्विटर र टेस्ला इंकका अर्बपति सीईओले ट्विटमा भनेका छन्,'टिम स्पष्ट थिए कि एप्पलले त्यसो गर्न कहिल्यै सोचेन।'
मस्कले ट्विटर किने यता ट्विटरको आम्दानीमा ठूलो गिरावट आएको छ। धेरै विज्ञापनदाताहरूले घृणायुक्त भाषणको चिन्ता र मस्कको सामग्रीलाई मध्यस्थ गर्ने योजनाबारे भ्रमको कारण प्लेटफर्म छोडेका छन्।
विज्ञापन बिक्रीले ट्विटरको राजस्वको करिब ९० प्रतिशत हिस्सा ओगटेको छ। उनले कार्यकर्ताहरूलाई विज्ञापनदाताहरूलाई प्लेटफर्मबाट बाहिर निकाल्न दबाब दिएको आरोप लगाएका छन्।
