-
-
-
-
काठमाडौं । दोलखामा ७४ हजार मतगणना हुँदा सत्ता गठबन्धन माओवादी केन्द्रका गङ्गा कार्कीले अग्रता कायमै गरेका छन् ।
पछिल्लो मतपरिणाम अनुसार माओवादी कार्की नेकपा एमालेका उम्मेदवार बालकृष्ण शिवाकोटी भन्दा १ सय १ मतले अगाडि रहेका छन्।
हालसम्म ७४ हजार ८९१ मतगणना हुँदा सत्ता गठबन्धनबाट उम्मेदवार कार्कीले ३२ हजार ४३७ मत पाएका छन् ।
एमालेका शिवाकोटीले ३२ हजार ३३६ मतका साथ पछाइरहेका छन् ।
त्यस्तै राष्ट्रिय स्वतन्त्र पार्टीका जगदीश खरेलले ३ हजार ४६१ मत पाएका छन् । राप्रपाका विजय खड्का १४ सय ५० मत रहेको छ ।
मतगणना भएको मत मध्ये ३ सय ७५ मत बदर भएको छ । यसअघि एमालेका शिवाकोटी अगाडि रहेका थिए ।
अब शैलुङ गाउँपालिकाको वडा नं. १,२ र ३, मेलुङ गाउँपालिकाको १ र ३, विगु गाउँपालिकाको १, २ र ३ को मतगणना हुन बाँकी छ ।
