-
-
-
-
काठमाडौं । करिब २ हजार मत गणना हुन बाँकी रहँदा माओवादी केन्द्रका गंगा कार्कीले अग्रता लिएका छन् ।
दोलखामा जारी मतगणनामा माओवादीका कार्की नेकपा एमालेका उम्मेदवार बालकृष्ण शिवाकोटी भन्दा ४ सय ८६ मतले अगाडि रहेका छन्।
हालसम्म ८३ हजार १८१ मतगणना हुँदा सत्ता गठबन्धनबाट उम्मेदवार कार्कीले ३६ हजार २९१ मत पाएका छन् ।
एमालेका शिवाकोटीले ३५ हजार ८०५ मतका साथ पछाइरहेका छन् ।
त्यस्तै राष्ट्रिय स्वतन्त्र पार्टीका जगदीश खरेलले ३ हजार ७७२ मत पाएका छन् । राप्रपाका विजय खड्का १५ सय ५७ मत रहेको छ ।
मतगणना भएको मत मध्ये ३ हजार ४३६ मत बदर भएको छ । यसअघि एमालेका शिवाकोटी अगाडि रहेका थिए ।
कूल मत ८५ हजार ३८८ खसेको थियो । अब २२ सय ७ मत गन्न बाँकी छ ।
