-
-
-
-
काठमाडौं । कतार विश्वकपको समूह चरणबाट बाहिरिएपछि बेल्जियम कप्तान इडेन हाजार्डले अन्तराष्ट्रिय फुटबलबाट संन्यासको घोषणा गरेका छन् ।
समूह एफ मा रहेको बेल्जियमले पहिलो खेलमा क्यानाडालाई हराएको थियो । दोस्रो खेलमा मोरक्कोलाई नतिजा सुम्पिएको थियो । समूह चरणको अन्तिम खेलमा क्रोएसियासँग गोलरहित बराबरी खेलेसँगै बेल्जियम घर फर्कन बाध्य भएको थियो ।
समूह चरणमा तीनवटै खेल खेले पनि हाजार्डले गोलको खाता भने खोल्न सकेनन् । हाजार्डले सन् २००८ मा बेल्जियमको राष्ट्रिय टोलीबाट डेब्यु गरेका थिए ।
उनले बेल्जियमबाट एक सय २६ खेलमा ३३ गोल गरेका छन् । बेल्जियमले २०१८ को रुस विश्वकपको सेमिफाइनलसम्मको यात्रा तय गर्दा उनले प्रभावशाली प्रदर्शन गरेका थिए ।
सेमिफाइनलमा भने बेल्जियम फ्रान्ससँग निराश भएको थियो ।
