-
-
-
-
काठमाडौं । कतारमा जारी विश्वकप फुटबलमा आजबाट क्वार्टरफाइनलका खेलहरु शुरु हुँदैछन् । पहिलो क्वार्टरफाइनलमा ब्रजिल र क्रोएसियाबीच प्रतिस्पर्धा हुँदैछ ।
एजुकेसन सिटी स्टेडियममा हुने यो खेल राति ८ः४५ बजे शुरु हुनेछ । ब्रजिलले राउण्ड अफ १६ मा दक्षिण कोरियालाई हराएको थियो ।
क्रोएसियाले राउन्ड अफ सिक्सटिनमा जापानलाई हराएको थियो ।
क्रोएसिया साविक उपविजेता हो । ब्रजिल भने कीर्तिमानी छैटौं पटक उपाधि जित्ने योजनामा छ । त्यसैले खेल आज निकै रोमाञ्चक हुने अनुमान गरिएको छ ।
लुका मोड्रिडकाले क्रोएसियाको कप्तानी गर्ने छन् भने थिअगो सिल्भाले ब्रजिलको कप्तानी सम्हाल्नेछन् । ब्रजिलका लागि नेयमारकाे खेलकाे प्रतिक्षा भइरहेको छ ।
