भारत- चीन भिडन्तलाई लिएर अमेरिकाले खोल्यो मुख

हाम्रा कुरा

प्रकाशित २०७९ मंसिर २८ बुधबार

काठमाडौं । भारत र चीनबीचको तनाव फेरि चरम सीमामा पुगेको छ । अरुणाचल प्रदेशको वास्तविक नियन्त्रण रेखा (एलएसी) मा भारतीय र चिनियाँ सेनाबीच भिडन्त भएको छ ।

चिनियाँ दुई सय सैनिक घुसपैठ गर्न खोजेपछि भारतीय सैनिकहरूले त्यो प्रयास असफल गरे। अब यो भिडन्तलाई लिएर अमेरिकाले पहिलो प्रतिक्रिया दिएको छ । अमेरिकाले दुवै सेना पछि हट्नु नै राहतको कुरा भएको बताइएको छ ।

दुवै देशका सेनाले समयमै स्थिति नियन्त्रणमा राखेकोमा अमेरिकाले खुशी व्यक्त गरेको छ । जारी विज्ञप्तिमा 'दुवै सेना समयमै पछि हट्नु खुशीको कुरा भएको उल्लेख गरिएको छ । हामी अवस्थालाई नजिकबाट हेरिरहेका छौं। हामी भारत र चीन दुवैलाई वार्तामा आउन आग्रह गर्छौँ, सीमाका विषयमा जस्तोसुकै विवाद भए पनि वार्ताबाटै समाधान गर्नुपर्छ ।'