काठमाडौं । बलिउडका स्टार सलमान खान र अक्षय कुमारलाई असल साथीमा गनिन्छ । सलमान र अक्षयको जोडीलाई सबैले मन पराउँछन् । साथै फ्यानहरू दुवै अभिनेतालाई एक साथ हेर्नको लागि पर्खिरहेका छन्।
दुवैले सार्वजनिक मञ्चमा एक अर्काको प्रशंसा गर्न कहिल्यै छोडेनन्। यसैबीच, सलमान खानले आफ्ना साथी अक्षयको भावनात्मक भिडियो सेयर गरेका छन् । साथै उनले अक्षयको लागि एउटा प्यारो सन्देश पनि सेयर गरेका छन्।
सलमानले शुक्रबार आफ्नो इन्स्टाग्राम स्टोरीमा अक्षयको क्लिप सेयर गरेका छन् । सो भिडियो क्षय आफ्नो फिल्म ‘रक्षा बन्धन’ को प्रमोशन गर्न पुगेका समय ‘सुपरस्टार सिंगर २’ को हो । जसमा अक्षयकी बहिनी अलका भाटियाले उनलाई रियालिटी शोमा अडियो सन्देश पठाएकी थिइन् । यसमा अलकाले अक्षयका लागि पठाएको सन्देश सुनेर अभिनेता भावुक भएका थिए ।
यो पुरानो भिडियो सेयर गर्दै सलमानले अक्षयका लागि लेखेका छन्, ‘मैले भर्खरै केही देखेँ जुन सबैसँग सेयर गर्नुपर्छ भन्ने लाग्यो । भगवान्ले तपाईँलाई आशीर्वाद दिउन्, वास्तविक अचम्मको, म यो देखेर धेरै खुसी लाग्यो । फिट रहनुहोस्, काम गरिरहनुहोस् र भगवान् सधैँ तपाईँको साथमा रहुन्।'
