काठमाडौं । हलिउडका प्रतिष्ठित अभिनेता लियोनार्डो डिक्याप्रियो निजि जीवनलाई लिएर पनि चर्चामा रहन्छन् । लियोनार्डो प्रायः आफ्नो सम्बन्ध र उमेरमा साना केटीहरूसँग डेटिङको लागि समाचारका हेडलाइनमा छाउने गरेका छन् । अहिले उनी फेरि एक युवा मोडलसँग देखिएका छन् । केही दिनअघि लियोनार्डो डिक्याप्रियो मोडल भिक्टोरिया लमाससँग डिनरमा गएका थिए ।
भिक्टोरिया र लियोनार्डोको उमेरमा २५ वर्षको अन्तर रहेको बताइएको छ । ४८ वर्षीय अभिनेता र २३ वर्षीय मोडललाई द बर्ड स्ट्रिट क्लबहाउस नामक रेस्टुरेन्ट बाहिर सँगै देखियो । दुवैजना छुट्टाछुट्टै रेष्टुरेन्टबाट निस्किए तर पछि एउटै कारमा बसेर गए । यहीँबाट उनीहरुको डेटिङको हल्ला सुरु भएको थियो ।
भिक्टोरिया लामास अभिनेता लोरेन्जो लामासकी छोरी हुन् । मोडल हुनुका साथै भिक्टोरिया अभिनेत्री पनि हुन् । उनले द लेस थिंग द्याट अर्थ सेड, टू नाइनर, अ वर्च्युअस रोल जस्ता चलचित्रमा काम गरेकी छन् । लियोनार्डो डिक्याप्रियोसँग भिक्टोरिया लामासको सम्बन्धको बारेमा कुरा गर्दै, एक स्रोतले भने कि दुई बीच केहि चलिरहेको छैन। तर, सामाजिक सञ्जाल प्रयोगकर्ताहरुको फरक धारणा छ । दुबैको तस्बिर पनि इन्टरनेटमा भाइरल भएको छ ।
अगस्ट २०२२ मा लियोनार्डो डिक्याप्रियो र उनकी प्रेमिका क्यामिला मोरोनको ब्रेकअप भएको थियो । २५ वर्षीया कमिलासँग ब्रेकअप गरेपछि लियोनार्डो ले २५ वर्षभन्दा माथिका केटीहरूसँग डेट नगरेको भनेर ट्रो गरिएको थियो ।
यसका लागि धेरै प्रयोगकर्ताहरूले उनको निन्दा पनि गरेका थिए । ब्रेकअपको केही समय पछि, लियोनार्डो डिक्याप्रियो सुपर मोडल गिगी हदीदसँग देखिएका थिए। यी दुवै रिलेसनसिपमा रहेको भन्दै धेरै हल्ला चलेको थियो । यद्यपि अहिले यो भन्न गाह्रो छ कि लियोनार्डो डिक्याप्रियो वास्तवमा कोसँग डेटमा छन् भनेर ।
