-
-
-
-
काठमाडौं । नेपालमा कोरोना भाइरस संक्रमणको रफ्तार बढेको छ । गत शनिबार शून्य तथा आइतबार २ जना र सोमबार १ संक्रमित थपिएकामा मंगलबार एकैदिन आठ जना बढेका थिए ।
बुधबार भने स्वास्थ्य तथा जनसंख्या मन्त्रालयले कोरोनाको जानकारी नै दिएन । बिहीबार एकैदिन १४ जना संक्रमित थपिएका छन् ।
३१९ पीसीआर परीक्षणबाट १४ संक्रमित पाइएका हुन् । यो परीक्षणको ४.३९ प्रतिशत हो । योसँगै सक्रिय संक्रमित बढेर २७ पुगेका छन् ।
पछिल्लो समय कोरोनाका लक्षणसँग मिल्ने भाइरल रुघाखोकीसँगै चिसोको लहर पनि बढेकाले धेरैजसो बिरामीहरु परीक्षण गराउनुको सट्टा घरमै आराम गरेर बसेको जनाइन्छ ।
छिमेकी देशहरु भारत र चीनमा कोरोनाको नयाँ भेरियन्टले संक्रमण तीव्र गतिमा बढिरहँदा नेपालमा पनि खतरा देखिएको छ ।
१३ हजार ३३८ जनाले खोप लगाएका छन् । मन्त्रालयले दुई डोज खोप लगाएकालाई बुस्टर डोज लगाउन आग्रह गरिरहेको छ ।
