- सुन चाँदी दर
- विनिमय दर
- नेपाली पात्रो
- राशिफल
काठमाडौं । एमाले अध्यक्ष केपी शर्मा ओलीसँगको तिक्तकाबीच पार्टी फुटाएर बाहिरिएका एकीकृत समाजवादीका अध्यक्ष माधवकुमार नेपाल माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्री बनेसँगै एकीकृत वाम शक्ति निर्माणको पक्षमा उभिएका छन् ।
बिहीबार पार्टी निकटका पदाधिकारीको बैठकमा पार्टीलाई नयाँ गतिमा अघि बढाउन एकीकृत वाम शक्ति निर्माण गर्नुपर्ने धारणा नेपालले राखेका छन् ।
अध्यक्ष नेपालले समान विचार भएका वाम शक्तिको ध्रुवीकरणले राजनीतिक स्थिरता कायम भई देश र जनताको हितमा क्रियाशील रहन सहयोग पुग्ने बताए ।
उनले तत्काल आफ्नो पार्टी एकताका विषयमा कुनै दलसँग छलफल नभएको पनि सुनाए । पूर्व प्रधानमन्त्रीसमेत रहेका अध्यक्ष नेपालले आफ्नो पार्टी तत्कालीन परिस्थितिमा विद्रोहबाट निर्माण भएकाले त्यसको औचित्य पुष्टि गर्न आफू तत्पर रहेको बताए ।
उनले आफ्नो पार्टी सरकारमा सहभागी बन्ने वा नबन्ने भन्ने विषयमा निर्णय नभएको जानकारी दिँदै स्थायी कमिटीको बैठकबाट सो विषयमा टुङ्गो लगाइने बताए । वर्तमान सरकारले गर्ने राम्रा कामलाई सरकार बाहिर भए पनि समर्थन गर्ने उनको भनाइ थियो ।
यसैबीच प्रधानमन्त्री प्रचण्डले नेकपा एकीकृत समाजवादी र जसपालाई सरकारमा ल्याउने कसरत गरेका छन् । उनीहरूलाई सरकारमा ल्याउन प्रचण्ड सक्रिय भएका हुन् । प्रचण्ड र ओली एकै ठाउँमा पुगेपछि नेपाल दोधारमा परेका छन् ।