-
-
-
-
काठमाडौं । बलिउड ब्लकबस्टर फिल्म सिंघमको सिक्वेल बन्ने भएको छ । रोहित शेट्टीद्वार निर्देशित सिंघमको सिक्वेल बनाउने तयारीमा जुटेका छन् । बलिउड स्टार अजय देवगनले रोहित शेट्टीसँग भेटेर यसको पुष्टि गरेका हुन् ।
अजयले ‘सिंघम अगेन’ को स्क्रिप्ट समेत पढेका छन् । जुन उनलाई उत्कृष्ट लागेको छ । यसको जानकारी अजयले ट्विटर ह्यान्डलमा दिएका छन् ।
अजयले लेखेका छन्, ‘नयाँ वर्षको सुरुवात धेरै राम्रो भयो, मैले ‘सिंघम अगेन’ को स्क्रिप्ट पढे, जुन उत्कृष्ट छ । यो फिल्म हामी दुवैको ११ औँ ब्लकबस्टर फिल्म हुनेछ ।'
अजय देवगन र रोहित शेट्टीको फिल्म ‘सिंघम’ले बक्स अफिसमा धेरै कमाई गरेको थियो । त्यसयता निर्माताहरू ‘सिंघम ३’ ल्याउने तयारीमा थिए ।
अजयको कुरा गर्दा सन् २०२२ उनका लागि निकै राम्रो रह्यो । उनको ‘दृश्यम २’ ले बक्स अफिसमा राम्रो कमाई गरेको छ । ‘दृश्यम २’ पछि अब अजय देवगन आफ्नो फिल्म ‘भोला’ को प्रचारमा लागेका छन् ।
