-
-
-
-
काठमाडौं । चीनले दक्षिण कोरिया र जापान यात्रा गर्ने यात्री माथि प्रतिबन्ध लगाउने भएको छ ।
दक्षिण कोरिया र जापानमा कोरोना संक्रमित बढेसँगै चीनले यस्तो निर्णय गरेको हो ।
चीनले कोरिया र जापानका नागरिकलाई छोटो अवधिको भिसा जारी गर्न प्रतिबन्ध लगाएको छ ।
कोरोना संक्रमित बढ्दै गएपछि दुवै देशले चीनबाट आउने यात्रुलाई प्रतिबन्ध लगाएका थिए । यो निर्णयलाई चीनको बदलाको रूपमा हेरिएको छ ।
यता फाइजर कम्पनीले चीनलाई कोरोना औषधिको लाइसेन्स दिन अस्वीकार गरेको छ ।
सोमबार कम्पनीका प्रमुख कार्यकारी अल्बर्ट बुर्लाले चीनलाई कोरोनाको औषधि प्याक्सोभिड बनाउन लाइसेन्स नदिने बताएका थिए ।
एक कार्यक्रममा बोल्दै उनले कोरोनाको औषधिको मूल्यबारे चीनसँग सम्झौता हुन नसक्ने बताए ।
