-
-
-
-
काठमाडौं । ‘भारत जोडो यात्रा’ का क्रममा हृदयघातबाट भारतीय कांग्रेस आईका सांसद चौधरी सन्तोख सिंहको निधन भएको छ । राहुल गान्धीले थालेको उक्त यात्राका क्रममा शनिबार पंजाबमा सामेल भएका सिंहको हृदयघातबाट निधन भएको हो ।
पंजाब कांग्रेसका अध्यक्ष अमरिन्दर राजा वन्डिंगले बिहान सिंह पूर्णरुपले ठीक भए पनि पछि हृदयघातले बितेका हुन् । उनले बिहान स्टेजमा नारा लगाएका थिए ।
सांसद सिंहको आज बिहान ११ बजे उनकै पैतृक गाउँ धालीवालमा अन्तिम संस्कार हुनेछ । यो घटनापछि राहुलले भारत जोडो यात्रा आजसम्म रोकेका छन् ।
सिंहको अन्तिम संस्कारपछि पुनः यात्रा शुरु हुनेछ ।
