-
-
-
-
काठमाडौं । नेकपा एमालेले राष्ट्रिय सभाबाट नयाँ र पुराना गरी अवसर नपाएका नेताहरूलाई मन्त्री बनाउने भएको छ ।
राष्ट्रिय सभामा रहेकी विमला पौडेल राई, पर्वतबाट तीन पटक सांसद जितेका पदम गिरी, सर्लाहीका हरि उप्रेती, कपिलवस्तुको बलराम पौडेल, मधेसबाट किरण साहलाई मन्त्री बनाउने तयारी थालेको छ ।
‘मलाई तयार हुन निर्देशन आएको छ, कुन मन्त्रालय भन्ने यकिन छैन’, सांसद गिरीले भने । एमालेले परराष्ट्र, स्वास्थ्य लगायतका मन्त्रालय पाउने देखिएको छ ।
मन्त्रालय भागवण्डा हिजो राती टुङ्गिएको थियो । बालुवाटारमा बसेको सत्ता गठबन्धन दलहरूको बैठकले एमालेलाई ८ मन्त्रीसहित १ राज्यमन्त्री पाउने सहमति भएको छ ।
