सांसदका छोराछोरिलाई सरकारी स्कुलमा पढाउने कानुन बनाउँ, तब मात्रै सुधार हुन्छ: ज्ञानेन्द्र शाही

हाम्रा कुरा

प्रकाशित २०७९ माघ १० मंगलबार

काठमाडौं। राष्ट्रिय प्रजातन्त्र पार्टी (राप्रपा)का सांसद ज्ञानेन्द्र शाहीले शिक्षा र स्वास्थ्य क्षेत्रमा सुधार आवश्यक भएको भन्ने गरे पनि पहल नचालिएको बताएका छन्।

मङ्गलवार प्रतिनिधिसभाको बैठकमा बोल्दै राप्रपाका सांसद शाहीले सांसदहरूका छोराछोरीको पढाइ सरकारी स्कुलमा भएमा मात्रै शैक्षिक क्षेत्रको विकास हुने बताएका छन्।

यस्तै उनले स्वास्थ्य क्षेत्रको सुधारका लागि समेत सांसदका छोराछोरीको उपचार सरकारी अस्पतालमा गर्ने नीति ल्याएपछि मात्रै स्वास्थ्य क्षेत्र समेत सुधार हुने बताएका छन्।

प्रतिनिधिसभाको बैठकमा बोल्दै उनले भने,'म आज दावाका साथ भन्न चाहन्छु सम्माननीय माननीय ज्युका पुत्र छोरा छोरिलाई नेपालको सरकारी स्कुलमा पढाऊँ अबदेखि, आजबाट नीति लागु गरौँ, तब मात्र नेपालको विद्यालय सुध्रिन्छ। '

यस्तै उनले अघि भनेका छन्, 'आज हरेक माननीयको विदेशमा हैन, नेपालमा उपचार गराऊँ। हरेक माननीयका सन्तानहरूलाई सरकारी अस्पतालमा मात्र उपचार गर्ने आज कानुन बनाऊँ यहीँ सदनबाट तब मात्र स्वास्थ्य अवस्था सुधार हुन्छ।'