बाढीसँगै पहिरो गएपछि १० जनाको मृत्यु, ३० बढी घाइते

प्रकाशित मिति : २०७३ असोज ५ बुधबार
काठमाडौं । इन्डोनेसियाको जाभा प्रान्तमा मंगलबार राति बाढीसँगै आएको पहिरोमा परी १० जनाको मृत्यु भएको छ । पहिरोमा परी ३० बढी घाइते भएको प्रकोप एजेन्सीका प्रवक्तालाई उदृत अन्तर्राष्ट्रिय संचार माध्यमहरुले जनाएका छन् ।
 
पश्चिम जाभामा ८ जनाको मृत्यु भएको र १ जना वेपत्ता भएका छन् । यस्तै सुमिडाङ जिल्लामा पहिरोले दुई घर बगाउँदा दुई जनाको मृत्यु भएको छ । 
 
पहिरोमा परी ३ जना हराइरहेका छन् । हराइरहेकाहरुको सुरक्षाकर्मी र स्थानीयहरु मिलेर  खोजी गरिरहेका छन् । उद्दार कार्य पनि जारी छ । बाढीका कारण गरुट जिल्लामा सय बढी नागरिक विस्थापित भएका छन् । विस्थापित भएकाहरुलाई सरकारी भवनमा राखिएको छ । –एजेन्सीको सहयोगमा 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ