जर्मनीले ट्याङ्क पठाएसँगै रुसले बढायो युक्रेनमा आक्रमण

हाम्रा कुरा

प्रकाशित २०७९ माघ १३ शुक्रबार

काठमाडौं । जर्मनीले लेपर्ड २ ट्याङ्क पठाएसँगै रुसले युक्रेनमा आक्रमणलाई तीव्रता दिएको छ । जर्मनीले २५ जनवरीमा युक्रेनलाई ट्याङ्क दिने घोषणा गरेको थियो ।

युक्रेनले नेटो सहयोगी जर्मनी र संयुक्त राज्य अमेरिकाबाट शक्तिशाली युद्ध ट्याङ्कहरू पाएपछि चौथो पुस्ताका लडाकु विमानहरूका लागि पहल गरेको छ भने रुसले युक्रेनमा ठुलो आक्रमण गरेको हो ।

न्यु योर्क टाइम्सका अनुसार जनवरी २५ र २६ मा रुसी सेनाले युक्रेनी शहरहरूमा ५५ वटा मिसाइल प्रहार गरेको छ । जसमा १२ जनाको मृत्यु भएको थियो ।