प्रचण्ड र देउवालाई भेटेपछि ओली निवास बालकोट पुगिन् नुल्यान्ड
हाम्रा कुरा
प्रकाशित २०७९ माघ १६ सोमबार
1k
Shares
फाइल तस्बिर
काठमाडौं । संयुक्त राज्य अमेरिकाका राजनीतिक मामिलासम्बन्धी उपविदेशमन्त्री भिक्टोरिया नुल्यान्डले एमाले अध्यक्ष केपी शर्मा ओलीसँग भेटवार्ता गरेकी छन् ।
प्रधानमन्त्री पुष्पकमल दाहाल प्रचण्ड र कांग्रेस सभापति शेरबहादुर देउवासँग भेटपछि ओली निवास बालकोट पुगेर नुल्यान्डले अध्यक्ष ओलीलाई भेटेकी हुन् । भेटमा नेपाल अमेरिका सम्बन्ध र अमेरिकी साझेदारीको बृहत् परियोजनाहरूमाथि छलफल भएको जनाइएको छ ।
अमेरिकी उपविदेश मन्त्री नुल्यान्ड दुई दिने नेपाल भ्रमणका लागि आइतबार यहाँ आएकी हुन् ।नुल्यान्डले सन् २०२१ को अप्रिलमा राजनीतिक मामिलासम्बन्धी उपविदेश मन्त्रीका रूपमा शपथ लिएकी थिइन् ।
त्यसअघि उन वासिङ्टन डिसीमा अवस्थित विश्वव्यापी रणनीतिक परामर्श तथा वाणिज्य कूटनीति फर्म अल्ब्राइट स्टोनब्रिज ग्रुपमा वरिष्ठ परामर्शदाताका रूपमा कार्यरत थिइन् ।
