-
-
-
-
काठमाडौं । पहिलो पटक भारतले टी–२० क्रिकेटमा छक्का बिना नै जित हासिल गरेको छ । न्यूजिल्याण्डविरुद्धको दोस्रो टी–२० मा भारत ६ विकेटले विजयी भएको हो ।
लखनउमा आइतबार भएको खेलमा १०० रनको लक्ष्य भारतले १ बल खेल्न बाँकी छँदै ४ विकेट गुमाएर पूरा गर्यो ।
प्लेयर अफ द म्याच सूर्यकुमार यादवले ३१ बलमा अविजित रहँदै २६ रन बनाए । कप्तान हार्दिक पाण्डेयाले २० बलमा १५ रन बनाए । इशान किशानले १९ रन जोडे । भारतको इनिङ्समा एउटा पनि छक्का सामेल थिएन ।
यसअघि पहिले ब्याटिङ गरेको न्यूजिल्याण्डले ८ विकेटको क्षतिमा ९९ रन बनाएको थियो । कप्तान मिचेल सान्तनरले सर्वाधिक १९ रन बनाएको इनिङ्समा भारतका लागि आर्शदीप सिंहले २ विकेट लिएका थिए ।
यो जितसँगै भारतले तीन खेलको श्रृंखलामा १–१ को बराबरी गरेको छ । तेस्रो तथा निर्णायक खेल बुधबार हुनेछ । पहिलो खेलमा न्यूजिल्याण्ड २१ रनले विजयी भएको थियो ।
