-
-
-
-
काठमाडौं । नेपाली कांग्रेसका वरिष्ठ नेता रामचन्द्र पौडेलले राष्ट्रिय सहमति आवश्यक रहेको बताएका छन् । कांग्रेसबाट राष्ट्रपतिका आकांक्षी रहेका पौडेलले राष्ट्रिय सहमतिका लागि आफूले विगतदेखि नै आवाज उठाउँदै आएको बताएका छन् ।
गृह जिल्ला तनहुँ पुगेका वरिष्ठ नेता पौडेलले मुलुकको विकासका लागि सहमति, सहकार्य र एकता अहिलेको आवश्यकता रहेको बताए। पौडेलले सहमति, सहकार्य र एकताले नै देशको प्रगति हुने धारणा व्यक्त गरे ।
जनतालाई शक्तिशाली बनाउन दलको आवश्यकता भएको उल्लेख गर्दै दलका नेताहरूलाई जनतामुखी बन्नुपर्ने सुझाव दिए ।
