-
-
-
-
पोखरा । पोखरा महानगरपालिका वडा नं. ६ लेकसाइडमा भीषण आगलागी भएको छ । हलनचोकस्थित सेलवेज डिपार्टमेन्टल स्टोर्समा आगलागी भएको स्थानीय रेष्टुरेन्ट व्यवसायी नवराज सापकोटाले जानकारी दिए ।
उनका अनुसार पोखरा महानगरपालिका र एयरपोर्टको दमकलको सहायताले आगो निभाउनेक्रम जारी छ ।
लेकसाइड काउन्टर नामक भवनमा हिमालयन जाभा, नबिल बैंक पनि रहेको छ ।
आगलागीका कारण भने खुल्न सकेको छैन । करिब एक घण्टा अघिदेखि शुरु भएको आगलागी नियन्त्रण गर्न स्थानीय, नेपाल प्रहरी, सशस्त्र प्रहरीले प्रयास गरिरकेका छन् ।
सेलवेजका अधिकांश सामान जलेर नष्ट भएको सापकोटाको अनुमान छ ।
