क्यान इन्फोटेक आज सकिँदै, आईएमई पेमा उत्साहजनक सहभागीता
हाम्रा कुरा
प्रकाशित २०७९ माघ २९ आइतबार
1.6k
Shares
काठमाडौं । कम्प्युटर एसोसिएसन नेपाल महासंघ (क्यान महासंघ) को आयोजनामा जारी ‘ क्यान इन्फोटेक २०२३’ आज सकिँदैछ । गत माघ २४ गतेदेखि भृकुटीमण्डपमा जारी क्यान इन्फोटेकमा उत्साहजनक रुपमा सहभागीता रहेको छ ।
विद्यार्थीदेखि व्यवसायी तथा लगानीकर्तालेसमेत चासो दिएर अवलोकन गरिरहेको क्यान महासंघले जनाएको छ ।
सो क्रममा आईएमई पेका ग्राहक पनि उत्साहवर्धक तरिकाले बढेका छन् । अपरेशन हेड वन्देश अधिकारीका अनुसार क्यान इन्फोटेकमा मात्रै शनिबारसम्म एक हजार ८२० भिसा कार्ड ग्राहक थपिएका छन् । आईएईपेको एप आकर्षण बढेको उनले बताए ।
रेमिट्यान्स पठाउँदा कस्टमर एपमा पठाएमा उपभोक्ताले सीधै पाउने र उल्टै ५० रुपैयाँ क्यासब्याक हुने अफरसमेत रहेको उनले बताए ।
आईएमई पे उच्च स्तरको डिजिटल भुक्तानी सेवा हो जसमा सबैभन्दा धेरै क्यासब्याक हुने अधिकारीले बताए ।
एपको आकर्षण बढेको भन्दै उनले एपमार्फत एयरलाइन्स टिकटमा क्यासब्याक अफर रहँदा ग्राहक आकर्षित भएको बताए ।
क्यूआरकोडको सुविधासमेत रहेको उनले बताए । त्यस्तै मोबाइल चार्जमा ५ प्रतिशत क्यासब्याकले पनि आकर्षण बढेको उनको जिकिर छ ।
